एउटै मिसाइल इजरायल मेटाउन काफी छ - किम जोङ
उत्तर कोरियाली नेता किम जोङ उनले इरानको समर्थनमा निकै आक्रामक अभिव्यक्ति दिँदै इजरायल विरुद्ध युद्धमा सघाउने चेतावनी दिएका छन्। उनले यदि इरानले मागेमा उत्तर कोरियाले इजरायल विरुद्ध प्रयोग गर्न आफ्ना शक्तिशाली क्षेप्यास्त्रहरू उपलब्ध गराउन तयार रहेको घोषणा गरेका हुन्। किमलले एउटै क्षेप्यास्त्र कुनै पनि राष्ट्रलाई नामेट पार्न काफी हुने भन्दै दिएको यो धम्कीले विश्वभरि नै हलचल पैदा गरेको छ।
अमेरिका नेतृत्वको गठबन्धनले इरान विरुद्ध "अपरेशन एपिक फ्युरी" सञ्चालन गरिरहेको बेला उत्तर कोरियाको यो प्रवेशले युद्धलाई थप जटिल र खतरनाक मोडमा पुर्याएको छ। यसअघि नै चीनले इरानलाई आधुनिक क्षेप्यास्त्र दिएको र रुसले समेत आणविक चेतावनी दिइरहेको खबरहरू आइरहेका थिए। किम जोङ उनको यो पछिल्लो गर्जनले राष्ट्रपति ट्रम्पले संकेत गरेको "ठूलो युद्ध" को डरलाई झनै बढाएको छ। यस तनावका कारण विश्व बजारमा तेल र ग्यासको मूल्य आकासिएको छ भने रुस, चीन, उत्तर कोरिया र इरानको बढ्दो सामीप्यले विश्व सुरक्षामा गम्भीर चुनौती थपेको छ।
